 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вы, што так сьлёзна гаварылі
Пра ўсе няшчасьці нашы,
А самі ўпотайкі даілі
Каровак з чыстай пашы,
Каб з малачком ня трапіў цэзій
У панскае саслоўе, –
Скажыце старцу на пратэзе:
Як вашае здароўе?
А то трывожыцца ён вельмі:
Хаця ж бы вы, адпаўшы
Ад тога вымя, не самлелі
На ўсенароднай пашы.
А што вас з рогату затрэсла?
Што ён дурны, той старац?
Што ўсіх турбот было вам – крэсла
Пад вымем пераставіць?
О, так! Дурны! Каб быў разумны
Стары салдат бязногі –
Дык не сядзеў бы з шапкай сумны
На плошчы Перамогі.
1993
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
